ЛЕВАКАНТ. Дар доираи Соли шинохти бештари манфиатҳои миллӣ. Аъзои маҳфили волонтёрони намояндагии ТҶҶ “Созандагони Ватан”-и назди Кумитаи иҷроияи ҲХДТ дар шаҳри Левакант дар доираи Аксияи тарғиботӣ таҳти унвони “Ҳаёти худу дигаронро ҳифз намо!” амал намуда, дар ҳудуди шаҳр ва Ҷамоатҳои шаҳраку деҳот корҳои фаҳмондадиҳӣ бурда, ба аҳолӣ варақаҳои гуногуни ёддоштиро тақсим карда истодаанд.
Бо иштироки як гурӯҳ волонтёрони намояндагии ТҶҶ “Созандагони Ватан” зимни баргузории Аксияи мазкур бо усули “хона ба хона” ба 85 оилаи кӯчаи ба номи Борбад ва инчунин, дар ҷойҳои ҷамъиятӣ ба сокинон 2015 варақаҳои иттилоотӣ тақсим карда шуд.
