ВОСЕЪ. Дар доираи Соли шинохти бештари манфиатҳои миллӣ. Бо иштироки кормандони Кумитаи иҷроияи ҲХДТ дар ноҳияи Восеъ ҷиҳати пешгирӣ аз паҳншавии бемории сироятии коронавирус бо сохтмончиёни бинои маъмурии Кумитаи иҷроияи ҲХДТ дар ноҳияи Восеъ вохӯрӣ доир намуданд.
Зимни вохӯрӣ мудири шуъбаи таблиғот, иттилоот ва матбуоти Кумитаи иҷроия Ситамова Роҳила оид ба пешгирии сироятӣ аз бемории коронавирус (Covid-19), сазовор истиқбол намудани ҷашни 30-солагии Истиқлолияти давлатии Ҷумҳурии Тоҷикистон, амалӣ гардонидани дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз Паёмашон ба Маҷлиси Олии Ҷумҳурии Тоҷикистон бармеоянд, суханронӣ намуда, иштирокдоронро ба меҳнати софдилона раҳнамоӣ кард.
