ХОВАЛИНГ. Дар доираи Соли шинохти бештари манфиатҳои миллӣ. Аъзои гурӯҳи таблиғотии назди Кумитаи иҷроияи ҲХДТ дар ноҳияи Ховалинг бо татбиқи Аксияи таблиғотӣ бо усули “хона бо хона” ба сокинони деҳаи Кӯлолони Ҷамоати деҳоти Шукнов ҷиҳати истифодаи самараноки замин суҳбат доир намуда, ба онҳо барои рӯёнидани ҳосили баланд маслиҳатҳои муфид доданд. Ҳамчунин, дар суҳбатҳои доирнамуда талаботи гигиенаи шахсӣ ҷиҳати пешгирӣ аз бемории коронавирус фаҳмонида шуд.
Иштирокдорони суҳбат, ки бештар аз 67 нафар буданд, дар бораи дастуру супоришҳои Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон оид ба истифодаи самараноки замин ва аз он рӯёнидани зиёда аз як ҳосил маълумоти зарурӣ пайдо намуданд. Таблиғотчиён он рӯз ҳолати истифодаи заминҳои наздиҳавлигии бошандагонро низ аз назар гузаронида, барои нигоҳубини маҳсулотҳои киштшуда маслиҳатҳои муфид доданд.
