ПАНҶ. Дар доираи Соли шинохти бештари манфиатҳои миллӣ. Аз ҷониби кормандони масъули Кумитаи иҷроияи Ҳизби Халқии Демократии Тоҷикистон дар ноҳияи Панҷ дар ташкилоти ибтидоии “Бурхиён” ба сокиноне, ки дар кӯчаву роҳравҳои маҳалла бениқоб сайругашт мекарданд, маводҳои таблиғотӣ, аз қабили ниқобҳои тиббӣ, муроҷиатнома ва маҳлулҳои безараргардонӣ дастрас карда шуда, масъулин таъкид намуданд, ки бе ниқоби тиббӣ гаштугузор дар ҷойҳои ҷамъиятӣ қатъиян манъ карда шудааст, пӯшидани ниқоб ва риояи гигиенаи шахсӣ барои ҳар як шахс дар ин давраи ҳассоси зиндагӣ ҳатмӣ ва зарур мебошад, чунки саломатии мо дар дасти худи мост.
