ВАХШ. Дар доираи Соли шинохти бештари манфиатҳои миллӣ. Намояндагони Кумитаи иҷроияи ҲХДТ дар ноҳияи Вахш баҳри пешгирии бемориҳои сироятӣ бо усули «хона ба хона» миёни аҳолӣ корҳои фаҳмондадиҳиро доир карда истодаанд.
Дирӯз чунин чорабинии ҳизбӣ дар Ҷамоати деҳоти Рӯдакӣ дар деҳаи ба номи Ҷалолиддини Румӣ бо сокинон доир карда шуда, масъулин чигуна пешгирӣ намудани бемориҳои сироятӣ, риояи гигиенаи шахсӣ ва ғайраҳоро ба сокинон тавсия дода, таъкид карданд, ки моро мебояд, ба таҳлука наафтида, тарзи ҳаёти солимро пеш гирем, ба табибони худ бовар кунем ва ба зиндагӣ хушбин бошем. Ҳамеша тарғибгари тарзи ҳаёти солим буда, барои пешгирии бемориҳои сироятӣ гигиенаи шахсиро риояи катъӣ намоем, то худ ва дигаронро эмин нигаҳ дорем.
