Н.ХУСРАВ. Дар доираи Соли шинохти бештари манфиатҳои миллӣ. Корҳои фаҳмондадиҳӣ ва омилҳои пешгирикунандаи бемории коронавирус тибқи ахбори расмии сомонаи Вазорати тандурустӣ ва ҳифзи иҷтимоии аҳолии миёни сокинон ва татбиқи дастуру супоришҳои Пешвои миллат оид ба истифодаи самараноки заминҳои наздиҳавлигӣ ва хоҷагиҳои ёрирасон пайваста дар ҳудуди ноҳияи Носири Хусрав роҳандозӣ карда мешавад.
Ин навбат чунин корҳои тарғиботӣ дар деҳаи Арабхонаи Ҷамоати деҳоти Истиқлол баргузор гардида, намояндагони ҳизбӣ дар суҳбат вобаста ба роҳҳои пешгирии бемории каронавирус андешаронӣ карда, таъкид намуданд, ки қоидаҳои беҳдоштиро дар хонадонашон риоя намоянд ва барои иҷро варақаҳои тавсиявиро дастраси ҳамагон намуданд. Ёдовар шуданд, ки бештар ба гигиенаи шахсӣ диқкати ҷиддӣ дода, ҳамеша аз ниқобҳои муҳофизатӣ истифода баранд.
