ҶАЙҲУН. Дар доираи Соли шинохти бештари манфиатҳои миллӣ. Бо мақсади пешгирии бемории сироятии коронавирус ва ҳамчунин, истифода бурдани мақсадноки замин дар деҳаи Маданияти Ҷамоати деҳоти Ваҳдати миллӣ корҳои фаҳмондадиҳӣ бо усули "хона ба хона" ба роҳ монда шуд. Масулини Кумитаи иҷроияи ноҳиявии ҳизб дар рафти чорабинии мазкур иброз намуданд, ки дар вақти баромадан аз хона бояд бо худ ниқоб дошта бошанд, бо даст салом кардан манъ аст, дар ҷойҳои ҷамъиятӣ бошад масофаи байниҳамдигаро риоя намоянд. Оид ба истифодаи замин бошад, аз ҷониби масъулин маслиҳат доданд, ки кишти такрориро ҳарчи зудтар ба роҳ монанд. Баъдан дар раванди суҳбат ба сокинон ниқоб ва маводҳои таблиғотӣ тақсим карда шуд.
