ФАРХОР. Дар доираи Соли шинохти бештари манфиатҳои миллӣ. Кормандони масъули Кумитаи иҷроияи ҲХДТ дар ноҳияи Фархор дар якҷоягӣ бо гурӯҳи корӣ бо мақсади пешгирӣ аз паҳншавии бемориҳои сироятӣ, махсусан коронавируси COVID-19 дар ҳудуди Ҷамоати шаҳраки Фархор ва бозори марказии ноҳия чорабинии ҳизбӣ доир намуда, бо аҳолӣ оид ба мавзӯи болозикр суҳбат карданд.
Зимни суханронӣ масъулин вобаста ба пешгирии бемории сироятии коронавирус иброз доштанд, ки гигиенаи шахсиро риоя кунанд, масъуният (иммунитет)-и организми худро қавӣ нигоҳ доранд. Ҳамчунин, ба соҳибкорон ва савдогарони бозор таъкид карда шуд, ки аз ниқобҳои тиббӣ, маводҳои безараргардонӣ истифода баранд. Ба онҳое, ки дар кӯчаҳо бе ниқоб гаштугузор мекарданд, аз ҷониби гурӯҳи корӣ ниқобҳои яккарата, маҳлулҳои безараргардонӣ ва варақаҳои иттилоотӣ тақсим карда шуд.
Инчунин, дар масъалаи самаранок истифода бурдани заминҳои наздиҳавлигӣ ба аҳолӣ тавсияҳои судманд дода шуд.
