МУЪМИНОБОД. Дар доираи Соли шинохти бештари манфиатҳои миллӣ. Намояндагони Кумитаи иҷроияи ҲХДТ дар ноҳияи Муъминобод дар деҳаи Шаҳринави болои Ҷамоати деҳоти Деҳибаланд дар якҷоягӣ бо фаъолони ташкилотҳои ибтидоии “Бахши фарҳанг”, “Шаҳринави боло” ва гурӯҳи зиёди ҷавонон баҳри сазовор пешвоз гирифтани Рӯзи Ваҳдати миллӣ ва ҷашни 30-солагии Истиқлолияти давлатии Ҷумҳурии Тоҷикистон корҳои ободониву созандагиро анҷом доданд. Дар рафти корҳои тарғиботӣ аз ҷониби масъулини ҳизбӣ дар бораи моҳияти Ваҳдати миллӣ, дастовардҳои Истиқлолияти давлатӣ, пешгирии бемории коронавирус ва истифодаи самараноки замин суханронӣ карда шуда, ба онҳо варақаҳои иттилоотӣ доир ба пешгирӣ аз бемории короновирус тақсим карда шуд.
