Ҷ.БАЛХӢ. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳияи Ҷалолиддини Балхӣ дар ҳудуди Ҷамоати шаҳраки Балх оид ба самаранок истифода бурдани заминҳои наздиҳавлигӣ ва пешгирӣ аз бемории сироятии коронавирус вохӯрӣ доир карданд.Зимнан масъулин оид ба пешгирӣ аз ин беморӣ, варақаҳои иттилоотӣ ба сокинон дастрас карда, қайд намуданд, ки ҳама бояд дар андешаи сиҳатии худ ва таъмини субот бошанд, набояд мардум ба ҳангомаю овозаҳо дода шаванд. Инсонҳо танҳо дар ҳамбастагӣ ва фазои солим бо рӯҳияи қавӣ метавонанд ба ҳар як беморӣ ғолиб бароянд.
Инчунин, дар идома оид ба истифода намудани ҳар порча замин тавсияҳо пешниҳод гардида, қайд карда шуд, ки истифодаи самараноки ҳар қитъа замини наздиҳавлигӣ, ташкили кишти зироатҳои кишоварзӣ ҷамъоварии ҳосили баланд ва захираи он ба манфиати халқ мебошад.
