ХОВАЛИНГ. Дар доираи Соли шинохти бештари манфиатҳои миллӣ. Дар деҳаи Шехмизон-2 бештар аз 80 нафар сокинон истиқомат мекунанд. Вақти боздид аз заминҳои наздиҳавлигии бошандагони маҳалла маълум гардид, ки ҳамаи онҳо зарурати истифодаи самараноки заминро дар ин шароити буҳронӣ дарк намуда, дар қитъазаминҳои худ тамоми маҳсулоти барояшон заруриро кишту парвариш намуда истодаанд. Кормандони Кумитаи иҷроияи ҲХДТ дар ноҳияи Ховалинг баъди боздид аз заминҳои ҳар як хонавода ба соҳибхонаҳо ҷиҳати истифодаи самараноки замин маслиҳатҳои муфид дода, онҳоро барои рӯёнидани ҳосили баланд руҳбаланду ҳавасманд гардониданд.
