ПАНҶ. Дар доираи соли Шинохти бештари манфиатҳои миллӣ. Ҷиҳати беҳтар кардани корҳои тарғиботӣ ва фаҳмондадиҳӣ дар самти риояи беҳдошти санитарӣ оид ба пешгирии паҳншавии бемории сироятии коронавирус кормандони Кумитаи иҷроияи Ҳизби Халқии Демократии Тоҷикистон дар ноҳияи Панҷ бо волонтиёрон ва бахши Ҷавонони ноҳия бо сокинони ташкилоти ибтидоии “Ваҳдатобод” мулоқоту вохӯриҳо доир карданд. Зимни мулоқот таъкид гардид, ки дастурҳои аввалиндараҷа гигиенаи шахсӣ, талаботи ҷамъиятиро риоя карда, аз ҳар гуна сафарҳо худдорӣ намоянд. Ҳоло сироятёбии сокинон аз COVID-19 поён рафта бошад ҳам, эҳтиёткор бояд бошем. Ҷиҳати пешгирӣ аз ин беморӣ қоидаҳои беҳдошти шахсиро қатъиян риоя намоем, ба ояндаи худ ва ояндаи насли наврас хунукназарона нанигарем. Дар охир аз ин амали нек сокинон хушнуд шуда, изҳори сипос ва миннатдорӣ баён карданд.
