ҲАМАДОНӢ. Дар доираи Соли бештари манфиатҳои миллӣ. Кормандони Кумитаи иҷроияи ҲХДТ дар ноҳияи Мир Сайид Алии Ҳамадонӣ бо мақсади пешгирӣ аз бемории сироятии коронавирус бо усули “хона ба хона” бо сокинони деҳаи Ҳаёти Нави Ҷамоати деҳоти Чубек вохӯрӣ гузарониданд.
Мудири шуъбаи ташкилӣ ва баҳисобгирии Кумитаи иҷроияи ноҳиявӣ Раҳимҷон Шарипов дар бораи рафти омодагиҳо ба ҷашни 30-солагии Истиқлолияти давлатии Ҷумҳурии Тоҷикистон ва саҳми муносиби аъзои ҳизб дар корҳои ободониву созандагӣ андешаронӣ карда, мавсуф таъкид намуд, ки бо мақсади пешгирӣ аз бемории сироятии коронавирус сокинон бояд ба риояи гигиенаи шахсӣ ҷиддӣ муносибат намоянд, ниқобҳои муҳофизатӣ пӯшанд, бе зарурат аз хона баромадан худдорӣ намоянд ва ба ҷойҳои серодам нараванд.
Сокинон маслиҳатҳои кормандони Кумитаи иҷроияи ҲХДТ дар ноҳияро хуш пазируфта, онҳоро саривақтӣ ҳисобиданд.
