ВОСЕЪ. Дар доираи Соли шинохти бештари манфиатҳои миллӣ. Бо мақсади вусъат бахшидан ба корҳои оммафаҳмонӣ намояндагони Кумитаи иҷроияи ҲХДТ дар ноҳияи Восеъ бо шаҳрвандоне, ки дар саҳро машғули кор мебошанд, суҳбат оростанд. Ба онҳо дар аввал варақаҳои иттилоотӣ оид ба риояи қоидаҳои гигиенӣ, кишти такрории замин дода шуда, сипас фаҳмонида шуд, ки дар вазъияти пандемия саломатии худро эҳтиёт намуда, барои захираи маводи озуқаворӣ шабонарӯзӣ заҳмат кашанд.
Масъулин зимни гузаронидани суҳбату мулоқотҳо ба ҳар як ҳамсуҳбат дастур ва супоришҳои Раиси муаззами Ҳизби Халқии Демократии Тоҷикистон, Пешвои миллат муҳтарам Эмомалӣ Раҳмонро расонида, хоҳиш намуданд, ки худ ва аъзои оилаи худро эҳтиёт намоянд.
