ЁВОН. Ҳизби Халқии Демократии Тоҷикистон ҳизбест, ки ҳадафаш танҳо зиндагии шоистаи мардум ва рушди устувори иқтисодӣ буда, доимо миёни мардум буда, ҳадафҳои созандаи онро амалӣ менамояд.
Чанде қабл дар чойхонаи деҳаи Дастгираки поёни ноҳия бо иштироки сокинони маҳаллаҳои Дастгираки поён ва Дастгираки боло вохӯрӣ баргузор гардид.
Дар вохӯрӣ атрофи самтҳои афзалиятноки ҲХДТ, аз ҷумлаи баррасии Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, тарғиби арзишҳои миллӣ, аз байн бурдани майли бегонапарастӣ миёни ҷавонону занон, пешгирии бемориҳои сироятӣ, аз байн бурдани фарҳанги бегона, сафарбар намудани ҷавонон ба хизмати ҳарбӣ, муборизаи идеологӣ бар зидди терроризм, экстремизм ва пешгирии гаравиши ҷавонон ба ҳизбу ҳаракатҳои ифротгаро, расидан ба қадри сулҳу суботи Ватан андешаронӣ карда шуд.
