ПАНҶ. Дар доираи соли Шинохти бештари манфиатҳои миллӣ. Баҳри пешгирӣ ва паҳншавии бемориҳои сироятӣ, ҳушдор намудани сокинон ҷиҳати гаштузор дар ҷойҳои серодам бо ниқоб, риояи масофаи байни ҳамдигар, риояи гигиенаи шахсӣ, масъулини Кумитаи иҷроияи ҲХДТ дар ноҳияи Панҷ дар ташкилоти ибтидоии “Наврӯз” корҳои фаҳмондадиҳиро байни ҷомеа тақвият бахшида, ба дарки сокинон тарзи ҳаёти солимро расониданд.
Зимни мулоқот таъкид гардид, ки ҳоло хатари бемории сироятии короновирус ба интиҳо нарасидааст, аз ин рӯ ҳар яки моро мебояд, қоидаҳои санитарӣ- гигиениро риоя намоем. Бо ин васила метавон худ ва наздиконро аз ҳар гуна бемориҳо эҳтиёт намуд. Дар интиҳо аз ҷониби масъулин ба сокинон ниқобҳои муҳофизатӣ ва муроҷиатномаҳо дастрас карда шуд.
