ШАҲРИТУЗ. Дар доираи Соли шинохти бештари манфиатҳои миллӣ. Гурӯҳи кории Кумитаи Иҷроияи Марказии ҲХДТ ба Кумитаи иҷроияи ҲХДТ дар ноҳияи Шаҳритуз вобаста ба омӯзиши фаъолияти Кумитаи иҷроия ва ташкилотҳои ибтидоии ҳизбӣ ташриф оварданд. Зимнан гурӯҳи корӣ аз рафти ҳуҷҷатгузории Кумитаи иҷроия, ҳаракати аъзои ҲХДТ, суҳбату вохӯриҳои таблиғотӣ шинос гардида, барои бартараф кардани камбудиҳои ҷойдошта ба масъулин дастур ва маслиҳатҳо доданд. Сипас, дар ин раванд гурӯҳи корӣ аз фаъолияти ташкилотҳои ибтидоии ҳизбӣ дидан карда, барои боз ҳам ҷоннок кардани корҳои тарғиботиву ташвиқотӣ миёни аҳолӣ, татбиқи ҳадафҳои созандаи ҲХДТ тавсияҳои судманд доданд.
