Ш.ШОҲИН. Дар доираи Соли шинохти бештари манфиатҳои миллӣ. Бахшида ба 30-солагии Истиқлолияти давлатии Ҷумҳурии Тоҷикистон дар тамоми минтақаҳои Тоҷикистон баҳри рушду пешрафти Ватани азизамон корҳои ободонӣ бомаром идома доранд.
Алалхусус, ноҳияи зебоманзари Шамсиддин Шоҳин ҳам аз ин маъракаи ободгарӣ қафо намонда, дар ин самт баҳри тозаву обод ва зебову шукуфон кардани диёр кӯшишу ғайрат доранд.
Кӯчаву маҳалла, деҳаву ноҳия ҳам яке аз гӯшаҳои диёрамон мансуб ёфта, ободу зебо гардонидани ин ҷойҳо ба рушду тараққиёти Тоҷикистони биҳиштосо саҳмгузор мебошад.
Тайи чанд рӯз аст, ки аъзои ташкилоти ибтидоии «Роҳсозон» дар кӯчаҳои марказии ноҳия корҳои ободонӣ гузаронида, гирду атрофро аз аз хасу хор ва партовҳо тоза намуда, ба ноҳия ҳусни тоза бахшиданд.
