КӮЛОБ. Дар доираи Солҳои таҳкими худшиносии миллӣ (2020-2021) Ҷиҳати дар амал тадбиқ намудани дастуру супоришҳои Пешвои миллат муҳтарам Эмомалӣ Раҳмон вобаста ба вазъи ноустувори ҷаҳони муосир дар шароити афзоиш ёфтани бемориҳои сироятӣ, ҷиҳати истифодаи самараноки ҳар қитъаи заминҳои наздиҳавлигӣ ва ба истифода даровардани заминҳои бекорхобида дар Ҷамоати деҳоти Зиракӣ, деҳаи Хоҷаисоқ корҳои амалӣ роҳандозӣ шуда истодаанд.
Масъулин ҳамарӯза аз рафти корҳои кишоварзони ҳудуди Ҷамоатҳои деҳот ва маҳаллаҳои шаҳри Кӯлоб дидан намуда, ба онҳо маслиҳатҳои муфид медиҳанд. Инчунин, кормандони масъули ҳизбӣ аз рафти кори шаҳрвандон дар заминҳои наздиҳавлигӣ дидан намуда, ба онҳо ба таври мунтазам варақаҳои иттилоотӣ дастрас менамоянд.
