ДАНҒАРА. Дар доираи Соли шинохти бештари манфиатҳои миллӣ. Бо мақсади пешгирӣ намудани ҳамагуна бемориҳои сироятӣ, кормандони Кумитаи иҷроияи ҲХДТ дар ноҳияи Данғара бо усули “ хона ба хона” дар деҳаи Гулободи Ҷамоати деҳоти Лолазор корҳои оммафаҳмониро гузарониданд.
Дар ҷараёни суҳбат масъулин оид ба пешгирии хатари коронавирус ва роҳҳои сироятёбии он суханронӣ карда, иброз доштанд, ки имрӯузҳо мо бояд бо як қувваи бузурги пайвастагии якдигарамон ин ваборо паси сар намоем ва нагузорем наздикону пайвандони мо мубтало ба ин беморӣ гарданд. Сипас, вобаста ба ин масъалаи доғи рӯз ба сокинон варақаҳои таблиғотӣ оид ба пешгирии коронавирус дастрас карда шуда, таъкид карда шуд, ки аз варақаҳои иттилоотӣ васеъ истифода намоянд.
