КӮЛОБ. Дар доираи Солҳои таҳкими худшиносии миллӣ (2020-2021) Сокинони деҳаи Сарёзи болои Ҷамоати деҳоти Зиракии шаҳри Кӯлоб ҳар ваҷаб заминро самаранок истифода бурда, дар таъмини амнияти озуқавории мамлакат саҳм мегузоранд. Мувофиқи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҳар қитъаи замини наздиҳавлигӣ самаранок истифода шуда, заминдорон талош меварзанд, ки аз як замин ду-се ҳосил ба даст биёранд.
Намояндагони Кумитаи иҷроияи ҲХДТ дар шаҳри Кӯлоб аз заминҳои наздиҳавлигӣ дидан намуда, онҳоро ба меҳнати софдилона дилгарм сохтанд. Заминдорон низ дар навбати худ ваъда доданд, ки баъди бардоштани ҳосил боз ба коркарди дуюмбораю сеюмбораи замин машғул шуда, ба ин васила мехоҳанд аввалан талаботи худ ва бозорҳои дохилиро таъмин созанд.
