ВОСЕЪ. Дар доираи Соли шинохти бештари манфиатҳои миллӣ. Дар назди ташкилоту муассисаҳое, ки шаҳрвандони зиёд ҷамъ меоянд, аз ҷониби кормандони Кумитаи иҷроияи ҲХДТ дар ноҳияи Восеъ корҳои оммафаҳмонӣ дар бораи пешгирии бемории сироятии коронавирус гузаронида мешавад. Чунин чорабинии ҳизбӣ дар назди ташкилоти ибтидоии “Амонатбонк” гузаронида шуда, намояндагони ҳизбӣ ба сокинон варақаҳои иттилоотӣ оид ба пешгирии бемории сироятии коронавирус тақсим карда, таъкид карданд, ки ба хотири пешгирӣ аз бемориҳои сироятӣ барои ҳифзи солимии худ ва ҷомеа аз қоидаҳои беҳдоштӣ самаранок истифода намоянд.
