ПАНҶ. Дар доираи Соли шинохти бештари манфиатҳои миллӣ. Гарчанде рӯзҳои охир бемории сироятии вируси навъи "COVID-19" дар Ҷумҳурии Тоҷикистон коҳиш ёфта бошад ҳам, агар шаҳрвандон ба беэҳтиётӣ роҳ дода, қоидаҳои беҳдоштиро риоя нанамоянд, афзоиш ёфтани ин беморӣ аз эҳтимол дур нест. Бо ин мақсад кормандони Кумитаи иҷроияи Ҳизби Халқии Демократии Тоҷикистон дар ноҳияи Панҷ дар ташкилотҳои ибтидоии ҳизбии “Ғайрат” ва “Навшод” бо сокинон мулоқоту вохӯриҳо баргузор намуда, ба шаҳрвандон муроҷиатномаҳои Ҳизби Халқии Демократии Тоҷикиистон дар вилояти Хатлонро дастрас намуданд.
