БОХТАР. Дар доираи Соли шинохти бештари манфиатҳои миллӣ. Дар пайравӣ аз иқдомҳои башардӯстонаи Асосгузори сулҳу ваҳдати миллӣ - Пешвои миллат, Раиси муаззами ҲХДТ муҳтарам Эмомалӣ Раҳмон ва ҷиҳати тақвият бахшидани корҳои фаҳмондадиҳӣ Кумитаи иҷроияи ҲХДТ дар шаҳри Бохтар бо дастгирии вакили Маҷлиси вакилони халқи шаҳри Бохтар Достиев Иқбол ва раиси ташкилоти ибтидоии “Молияи шаҳр” Иззатуллозода Ҳабибулло ба Кумитаи иҷроияи шаҳрии ҳизб 200 адад ниқобҳои тиббӣ кумак карданд. Раиси Кумитаи иҷроияи ҲХДТ дар шаҳри Бохтар Иброҳимзода Неъматулло зимни қабули кумак барои дастгириашон аз шахсони ватандӯст изҳори сипос намуда, иброз дошт, ки ниқобҳои тиббии дастрасшуда ба хотири ҳифзи солимии ҷомеа ҳангоми баргузории Аксияҳои ҳизбӣ ба сокинон ба таври ройгон тақсим карда мешаванд. Чунин иқдомҳои наҷиб аз ҷониби фаъолон, аъзо ва ҷонибдорони ҲХДТ дар шаҳри Бохтар идома доранд.
