КӮЛОБ. Барои густариш додани ҳамкориҳо ва бештар кардани корҳои тарғиботӣ ҷиҳати огоҳӣ пайдо кардани ҷомеа аз ҳадаф ва мақсадҳои созандаи ҲХДТ кормадони масъули ҳизбӣ дар шаҳри Кӯлоб бо аъзо ва ҷонибдорони ҲХДТ дар ташкилоту муассисаҳо нишасту мулоқотҳоро баргузор намуда истодаанд.
Бо дарки ин масъулият дар ташкилоти ибтидоии ҳизбии “Раёсати фарҳанги минтақа” маҷлис доир карда шуд.
Дар маҷлис раиси Кумитаи иҷроияи ҲХДТ дар шаҳри Кӯлоб Валиева Саъбагул ва роҳбари ташкилоти ибтидоии ҳизбии “Раёсати фарҳанги минтақа” Тоиров Хайрулло иштирок ва суханронӣ намуданд.
Зимни суҳбат Валиева Саъбагул баромад намуда, изҳор кард, ки аз наҳси ҷанги таҳмилӣ дар солҳои аввали соҳибистиқлолӣ дар баробари аз миён рафтани суботи сиёсӣ низоми иҷтимоӣ низ ба тадриҷ аз даст рафта, дар ин замина дар пайи пайдоиши ақидаҳои барои ба вуҷуд омадани расму оинҳои бегона, ифроту тафрит ва раванди бегонапарастӣ ба таври ноаён замина фароҳам оварда шуд.
Хушбахтона, соли 2007 ба хотири ба низом даровардани муҳити иҷтимоиву маънавии кишвар ва аз байн бурдани раванди бегонапарастӣ бо дархосту пешниҳодҳои сокинон Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” қабул карда шуд.
Ҳамзамон, Тоиров Хайрулло дар баромади хеш чунин қайд дошт, ки қонуни танзим, хусусан ба оилаҳои мотамзада, ки харҷи маросими он як мотами бузургу дигаре мансуб меёфт, ёриву мададе гашт барои осудагии шахсони азодор аз бори вазнини иқтисодӣ. Аз ин рӯ, эҳтиром ва риояи ҳатмии он қарзи ҳар як шаҳрванд ба ҳисоб меравад.
