ВОСЕЪ. Дар доираи Соли шинохти бештари манфиатҳои миллӣ. Ҷиҳати дар амал татбиқ намудани дастур ва супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хоҷагидорони Ҷамоати деҳоти Тугараки ноҳияи Восеъ заминҳои обиро самаранок истифода бурда, дар фаровонии маҳсулоти кишоварзӣ саҳми худро гузошта истодаанд. Бо ташаббус ва роҳбарии хоҷагии деҳқонии “Шовалӣ” дар масоҳати 1.5 га замин пиёз корида шуда, ҳосили дилхоҳ ба даст оварда шуд. Хоҷагии мазкур, ки дар назди роҳ ҷойгир аст, маҳсулоти худро бо нархи арзон ба фурӯш гузоштааст. Яъне, 1 кг пиёз 60 дирам фурӯхта мешавад.
