ХОВАЛИНГ. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ дар ноҳия ҷиҳати фаҳмондани роҳҳои пешгирии бемориҳои сироятӣ, аз ҷумла, бемории хавфноки коронавирус корҳои таблиғотию ташвиқотиро дар ҷамоатҳои деҳоти ноҳия васеъ ба роҳ монда, мардумро аз оқибатҳои фоҷиабори бемории коронавирус огоҳ менамоянд.
Чунин суҳбатҳои "Хона ба хона" дар маҳаллаи Сангрезгӣ гузаронида шуд. Кормандони Кумитаи иҷроия ба сокинони манзилҳои истиқоматии ин маҳалла бо усули “хона ба хона” оиди роҳҳои пешгирӣ ва паҳншавии ин бемории сироятӣ суҳбат гузаронида, ба онҳо варақаҳои иттилоотӣ, муроҷиатномаи Кумитаи иҷроияи ҲХДТ дар вилояти Хатлонро тақсим намуданд.
