ФАРХОР. Дар доираи Соли шинохти бештари манфиатҳои миллӣ. Кормандони Кумитаи иҷроияи ҲХДТ ноҳияи Фархор дар доираи дастуру суроришҳои мақомоти болоии ҳизб оиди пешгирии сироятёбӣ ва паҳншавии бемории коронавирус, инчунин, бо мақсади корҳои фаҳмондадиҳӣ оиди истифодаи самараноки қитаҳои заминҳои наздиҳавлигӣ дар деҳаҳои Ҷамоати деҳотии Ғалаба бо усули «Хона ба хона» гардиш намуда, бо аҳолӣ суҳбат намуданд.
Зимни гардиш ба оилаҳои ниёзманд маводҳои антисептикӣ (спирт) ва ниқобҳои бисёркаратаи истеҳсоли маҳаллӣ тақсим намуда, оиди гигиенаи шахсӣ ва риояи ҳатмии он бо сокинон суҳбат намуданд.
Инчунин, ба аҳолӣ оиди самаранок истифодабарии заминҳои наздиҳавлигӣ, заминҳои ба истилоҳ «президентӣ» ва заминҳои хоҷагиҳои деҳқонӣ дастурҳои судманд дода шуданд.
