ПАНҶ. Дар доираи Соли шинохти бештари манфиатҳои миллӣ. Тибқи нақша-чорабиниҳои Кумитаи иҷроияи Ҳизби Халқии Демократии Тоҷикистон имрӯзҳо аз ҷониби вакилон баҳри дастгирии сокинони маҳалли худ барои пешгирӣ кардан аз бемории коронавирус бо усули “Хона ба хона”, “Кӯча ба кӯча” миёни сокинон вохуриҳо гузаронида шуда, ба сокинон ниқобҳои тиббӣ, маҳлулҳои антисептикӣ ва огоҳномаҳо тақсим карда шуд. Дар ин миён, масъулон сокинонро таъкид намуданд, ки ба хотири пешгирӣ аз ҳар гуна сироятҳо ба кӯча танҳо дар ҳолати зарурӣ бароянд, дастони худро мунтазам бо собун шӯянд, ё ин ки бо маҳлулҳои антисептикӣ безарар гардонанд, оби ҷӯши гарм нӯшанд, ба кӯча танҳо бо ниқоб бароянд ва тариқи дастфишурӣ салом нанамоянд.
