ПАНҶ. Дар доираи Соли шинохти бештари манфиатҳои миллӣ. Имрӯз масъулини Кумитаи иҷроияи Ҳизби Халқии Демократии Тоҷикистон дар ноҳияи Панҷ ҷиҳати пешгирии бемории сироятии COVID-19 дар маҳаллаҳо ва кӯчаву роҳравҳо корҳои фаҳмондадиҳиро бо усули “Хона ба хона” ва “Рӯ ба рӯ” ба роҳ монда, оиди риояи қоидаҳои беҳдоштӣ, бахусус, риоя кардани масофаи байниҳамдигарӣ, тез-тез шустани дастон бо собун, пӯшидани ниқоби тиббӣ, худдорӣ аз анъанаҳои хурофотӣ (аз қабили бӯса кардан, ба оғуш гирифтан), худдорӣ кардан аз нӯшидани нӯшокиҳои хунук, бе зарурият набаромадан аз ҷойи зистро ба шаҳрвандон фаҳмонида, ба онҳо тавсия доданд, ки ба нофаҳмию воҳима роҳ надиҳанд. Инчунин, ба сокинон муроҷиатномаҳо, тавсияҳои табибон оиди пешгирии бемориҳои сироятӣ ва ниқобҳои тиббӣ дастрас карда шуд.
