ВОСЕЪ. Дар доираи Соли шинохти бештари манфиатҳои миллӣ. Ин навбат масъулини Кумитаи иҷроияи ҲХДТ дар ноҳияи Восеъ корҳои таблиғотӣ ва фаҳмондадиҳиро вобаста ба пешгирӣ аз паҳншавии бемории сироятии коронавирус бо усули “Хона ба хона” дар деҳаи Пушёни поёни Ҷамоати деҳоти ба номи Х. Раҷабов баргузор намуданд.
Зимнан, Мирзоев Сафаралӣ, муовини раиси Кумитаи иҷроияи ҲХДТ дар ноҳия оид ба пешгирии бемории сироятии коронавирус, ҷалби сокинон ҷиҳати зироаткорӣ, кишоварзӣ дар ҳар сотиқи замин, инчунин, вусъат бахшидан ба корҳои бунёдкорию ободгароӣ бахшида ба ҷашни 30–солагии Истиқлолияти давлатии Ҷумҳурии Тоҷикистон суханронӣ намуд.
Инчунин, ба сокинони деҳа варақаҳои иттилоотӣ ва ниқобҳои муҳофизатӣ вобаста ба пешгирии бемории сироятии коронавирус дастрас карда шуд.
