КӮЛОБ. Дар доираи Соли шинохти бештари манфиатҳои миллӣ. Дар доираи аксияи ҳизбии “Солимии миллат-бақои давлат” Бо ташаббуси Кумитаи иҷроияи ҲХДТ дар шаҳри Кӯлоб дар кӯчаю махаллахои марказии шаҳри Кӯлоб ва дуконҳои соҳибкорон аксияи тарғиботӣ доир ба масъалаи пешгирӣ аз паҳншавии коронавирус ташкил карда шуд.
Коронавирус, ҳамчун бемории сироятӣ тамоми сайёраро ба бӯҳрон рӯ ба рӯ сохтааст. Аз ин рӯ, дар муқобили ин беморӣ мубориза бурдан, бахусус, риояи гигиенаи шахсӣ ва дигар тавсияҳои пешниҳодгардида боиси солимии аҳли ҷомеаи мо хоҳад буд. Ҳамчунин, ҳангоми баргузории аксияи хизбӣ таъкид гардид, ки сокинон ба овозаҳои бардуруғ бовар накарда, ба ҳар гуна воҳимаву ҳангомаҳо дода нашаванд.
