КӮЛОБ. Дар доираи Соли шинохти бештари манфиатҳои миллӣ. Дар доираи аксияи ҳизбии “Солимии миллат - бақои давлат” Бо мақсади огоҳонидани мардум аз оқибатҳои бемории коронавирус дар маҳаллаи “Шамсиддин Шоҳин”-и ш.Кӯлоб аз ҷониби масъулини Кумитаи иҷроияи ҲХДТ дар шаҳри Кӯлоб дар ҳамбастагӣ бо бахши кор бо ҷавонон ва варзиши шаҳри Кӯлоб аксияи таблиғотӣ таҳти унвони “Худро аз коронавирус муҳофизат намо” доир гардид.
Зимни баргузории аксияи мазкур ба аҳолӣ зиёда аз 600 варақаҳои таблиғотию иттилоотӣ дастрас карда шуд. Чунин корҳои таблиғотӣ минбаъд низ аз ҷониби масъулин идома хоҳад ёфт.
