КӮШОНИЁН. Дар доираи Соли шинохти бештари манфиатҳои миллӣ. Ҳамарӯза кормандони Кумитаи иҷроияи ҲХДТ дар ноҳияи Кӯшониён корҳои фаҳмонидадиҳиро оиди пешгирӣ аз паҳншавии бемории сироятии коронавирус ва истифодаи самараноки заминҳои кишоварзӣ дар ҳудуди ҷамоату шаҳраки ноҳия ба роҳ монда истодааст.
Ин навбат масъулини ҳизб корҳои фаҳмонидадиҳиро дар ташкилоти ибтидоии Ҷамоати деҳоти Заргар ба роҳ монда зимни чорабинӣ қайд карданд, ки риояи қатъии қоидаҳои беҳдоштӣ, истифодаи босамари ҳар порча замин, заминҳои дар ихтиёр бударо барои рӯёнидани зироати хурока истифода намуда, аз ҳоло ба кишти такрорӣ омодагӣ гирифтан лозим ва ба сокинон оиди пешгирии коронавирус маълумоти лозима дода шуда, ба онҳо маводҳои таблиғотии оиди пешгирии ин вирус ва ниқобҳои тиббӣ дастраст карда шуд.
