ВОСЕЪ. Дар доираи Соли шинохти бештари манфиатҳои миллӣ. Бахшида ба Рӯзи Ҷавонони Тоҷикистон аз ҷониби мутасаддиёни КИ ҲХДТ, волонтёрон аёдати нафарони камбизоат, хусусан, зани ҷавон дар шаҳраки Ҳулбуки ноҳия амалӣ карда шуд. Зимни сӯҳбат ба нафари эҳтиёҷманд кӯмаки яквақтаина аз қабили орд, равған, қанд ва дигар маводи хӯрокворӣ расонида шуда, мутасаддиён ӯро ба муносибати Рӯзи ҷавонони Тоҷикистон табрик намуданд.
Сафар Ҳафиза Разоқ – раиси КИ ҲХДТ дар ноҳияи Восеъ таъкид кард, ки тамоми нафарони эҳтиёҷманд таҳти ғамхории доимии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, ба онҳо мунтазам кӯмаку дастгириҳо расонида мешавад.
