ҚУБОДИЁН. Дар доираи Соли шинохти бештари манфиатҳои миллӣ. Бо мақсади пешгирӣ намудани бемории сироятии намуди коронавирус, ки имрӯз ҷомеаи моро низ ба ташвиш овардааст, гурӯҳи кории Кумитаи иҷроияи ҲХДТ дар ноҳияи Қубодиён дар якҷоягӣ бо раиси КИ ҲХДТ дар ноҳияи Қубодиён дар маҳаллаҳои ҷамоати шаҳраки Қубодиён ноҳияи Қубодиён корҳои фаҳмондадиҳӣ баргузор намуданд.
Дар вохӯрии мазкур раиси КИ ҲХДТ дар ноҳияи Қубодиён Шарифзода Маҳмадаёб бо аҳолии маҳал вохӯрда, дар бораи роҳҳои гузариши бемории коронавирус COVID-19 ва роҳҳои пешгирӣ намудани он маълумот дод. Дар рафти вохӯрӣ диққати асосӣ ба ҷиҳати асосии пешгирӣ намудани беморӣ, яъне риоя намудани гигиенаи шахсӣ таваҷҷуҳ зоҳир гардида, аз шаҳрвандон хоҳиш карда шуд, ки қоидаҳои тозагии хонаву таҷҳизотҳои он ва маҳал қатъиян риоя карда шавад.
Барои бештар маълумот пайдо намудани бемории коронавирус ба сокинон бо усули “Хона ба хона” 85 адад маводҳои таблиғотӣ дар шакли буклетҳо ва 85 адад ниқобҳои ҳифзкунанда тақсим карда шуданд.
Ҳамчунин, дар рафти вохӯриҳои баргузоргадида оид ба истифодаи самараноки қитъаҳои замини наздиҳавлигии шаҳрвандон корҳои фаҳмондадиҳӣ гузаронида шуданд.
