БОХТАР. Имрӯз бо ташаббуси ташкилоти ибтидоии ҳизбии “Сипарони Ватан” ва дастгирии Кумитаи иҷроияи ҲХДТ дар шаҳри Бохтар бо мақсади мубориза бо коронавирус ба оилаҳои ниёзманд кӯмаки тиббӣ расонида шуд. Ин дуюмин кӯмаки ташкилоти мазкур аст, ки ба оилаҳои ниёзманд расонида мешавад. Кӯмаки тиббӣ аз ниқоб, маҳлулҳои спиртиву антисептикӣ, дастпӯшакҳо иборат буд. Тавре дирӯз иттилоъ дода будем, ташкилоти ибтидоии ҳизбии “Сипарони Ватан” ба 100 оилаҳои ниёзманд ҳамин гуна кӯмаки тиббиро расонида буд.
