ВАХШ. Дар доираи Соли шинохти бештари манфиатҳои миллӣ. Аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба ноҳияи Вахш кумаки навбатӣ ба табибон ва оилаҳои беморони гирифтори бемории сироятии коронавирус ирсол гардид.
Аз ин кумакҳои ба ноҳия воридшуда аҳли кормандони соҳаи тиб руҳу илҳоми тоза гирифта, ваъда доданд, ки бо хизмати содиқонаву софдилона баҳри бартараф кардани ин мушкилоти ҷомеа саҳми арзанда мегузоранд.
Қайд кардан ба маврид аст, ки имрӯзҳо дар тамоми гӯшаю канори ҷаҳон ин бемории ҳамогир хуруҷ карда истодааст ва инчунин, дар мамлакати мо низ ин вабо домон паҳн кардааст.
Мо мардуми сарбаланди тоҷик тамоми мушкилиҳои дар пешистодаро саривақтӣ ва сарбаландона паси сар менамоем.
