ПАНҶ. Дар доираи Соли шинохти бештари манфиатҳои миллӣ. Бо иштироки кормандони Кумитаи иҷроияи Ҳизби Халқии Демократии Тоҷикистон дар ноҳияи Панҷ ва гурӯҳи тарғиботии назди Кумитаи иҷроия баҳри пешгирӣ аз паҳншавии бемории сироятии коронавирус, ки аксарияти давлатҳои дунёро фаро гирифтааст, инчунин самаранок истифода бурдани заминҳои наздиҳавлигӣ, ҷалби сокинон ба корҳои созандагиву ободонӣ, дастгирии шахсони эҳтиёҷманд ва ба таҳлука наафтидани онҳо дар маҳаллаи “ 60- солагии Панҷ” мулоқот баргузор гардид. Чорабинии мазкур бо усули “хона ба хона” миёни сокинон роҳандозӣ гардида, масъулин доир ба масъалаҳои болозикр ба шаҳрвандон тавсияҳои судманд доданд.
