ТЕМУРМАЛИК. Дар доираи Соли шинохти бештари манфиатҳои миллӣ. Дар маҳаллаи №10 – и Ҷамоати шаҳраки Совет мулоқоти кормандони Кумитаи иҷроияи ҲХДТ дар ноҳияи Темурмалик баргузор гардид.
Намояндагони ҳизби ноҳия дар чорабинии ҳизбӣ бо усули “хона бахона” оид ба пешгирии бемории сироятии коронавирус, ҷалби сокинон ҷиҳати зироаткорӣ, кишоварзӣ дар ҳар ваҷаб заминҳои наздиҳавлигӣ, инчунин вусъат бахшидани корҳои бунёдкорию ободгароӣ бахшида ба 30 – солагии Истиқлолияти давлатии Ҷумҳурии Тоҷикистон андешаронӣ карда, ҷамъомадагонро ба риояи талаботи қоидаҳои беҳдоштӣ, саҳм гузоштанд дар кишту кори баҳорӣ ба хотири таъмини амнияти озуқаворӣ ва корҳои созандагиву бунёдкорӣ раҳнамоӣ намуданд.
Дар анҷоми суҳбат ба иштирокчиён варақаҳои иттилоотӣ вобаста ба пешгирии бемории сироятии коронавирус (COVID – 19) ва истифодаи самараноки заминҳои кишоварзӣ дастрас карда шуд.
