Ш.ШОҲИН. Дар доираи Соли шинохти бештари манфиатҳои миллӣ. Бо мақсади иҷрои дастуру супоришҳои мақомоти болоии ҳизбӣ ва амалишавии нақшаи кории Кумитаи иҷроияи ҲХДТ дар ноҳияи Ш.Шоҳин бо якчанд сокин ва оилаҳои деҳаи Хирманҷои Ҷамоати деҳоти ба номи Нуриддин Маҳмудов ҷиҳати самаранок истифодабарии ҳар як қитаъи заминҳои кишоварзӣ, заминҳои наздиҳавлигӣ ва баҳри беҳдошти саломатӣ, риояи ҳатмии гигенаи шахсӣ аз бемории коронавирус мулоқот анҷом доданд.
Масъулин бо усули «хона ба хона» ба сокинон варақаҳои тавсиявии таҳиянамудаи ҲХДТ-ро баҳри пешгирӣ ва риояи ҳатмии гигенаи шахсӣ аз бемориҳои сироятӣ, алалхусус коронавирусро дастрас намуданд.
Дар рафти суҳбат дар як навбат аз заминҳои наздиҳавлигии сокинон дидан намуда, баҳри беҳтару хубтар ба роҳ мондани сатҳи зиндагӣ ва захираи озуқаворӣ барои соли оянда ба онҳо маслиҳатҳои муфид дода шуд.
