КӮШОНИЁН. Дар доираи Соли шинохти бештари манфиатҳои миллӣ. Барои пешгирии бемориҳои сироятии коронавирус бо мақсади ҳифзи солимии ҷомеа ва вусъат бахшидани кишту кори баҳорӣ ба хотири таъмини амнияти озуқаворӣ, кормандони Кумитаи иҷроияи ҲХДТ дар ноҳияи Кӯшониён дар якҷоягӣ бо аъзои ташкилоти ибтидоии “Маркази назорати давлатии санитарию эпидимиологӣ” корҳои фаҳмондадиҳиро дар деҳаи Навободи Ҷамоати шаҳраки Бӯстонқалъа бо усули “хона ба хона” роҳандозӣ намуда, аз ҳар як сокини деҳаи мазкур ҷиҳати татбиқи сиёсати пешгирифтаи давлату Ҳукумати Ҷумҳурии Тоҷикистон ва ҳадафҳои созандаи ҲХДТ даъват ба амал оварданд.
Инчунин, аз тарафи масъулини ҳизб ба иштирокчиён маводҳои таблиғотӣ оид ба масъалаҳои дар болозикршуда дастрас карда шуд ва аъзои ташкилоти ибтидоии “МНДСЭ” бошад, хонаҳои истиқоматии шаҳрвандон ва дигар ҷойҳои ҷамъиятии деҳаи номбурдашударо бо маводҳои хлордор безарар гардониданд.
