НОРАК. Дар доираи Соли шинохти бештари манфиатҳои миллӣ. Кумитаи иҷроияи Ҳизби Халқии Демократии Тоҷикистон дар шаҳри Норак бо мақсади пешгирӣ ва мубориза бар зидди бемории сироятии коронавирус (COVID-19) ва самаранок истифода бурдани заминҳои наздиҳавлигӣ ба хотири таъмини амнияти озуқаворӣ дар ҳудуди шаҳр корҳои фаҳмондадиҳиро бо усули “хона ба хона” баргузор намуда истодааст.
Зимни баргузории чорабинии мазкур ба мардум таъкид карда мешавад, ки беҳуда ба сайругашт набароянд, худ ва наздиконашонро аз ҳар гуна бемориҳои сироятӣ эмин нигоҳ доранд, дар баробари ин заминҳои наздиҳавлигиро самаранок истифода бурда, дар як сол барои рӯёнидани якчанд ҳосил талош варзанд.
