ЁВОН. Дар доираи Соли шинохти бештари манфиатҳои миллӣ. Дар мубориза бар зидди бемории сироятии коронавирус ҳамарӯза аз ҷониби ниҳоди ноҳиявии ҲХДТ корҳои фаҳмондадиҳӣ ба роҳ монда шуда, тавассути усули “хона ба хона” маводҳои иттилоотӣ дастраси аҳолӣ гардонида шуда истодаанд.
Чунин иқдоми саривақтӣ дар деҳаи Даштободи Ҷамоати деҳоти Обшорони ноҳияи Ёвон баргузор гардида, зиёда аз 500 адад маводҳои иттилоотӣ дастраси аҳолӣ гардонида шуд. Зимнан аз ҷониби гурӯҳи кории назди Кумитаи иҷроияи ҳизби ноҳиявӣ ба аҳолӣ оид ба истифодаи оқилонаи замини наздиҳавлигӣ маслиҳатҳо дода мешавад.
