КӮШОНИЁН. Дар доираи Соли шинохти бештари манфиатҳои миллӣ. Оид ба пешгирии паҳншавии коронавируси навъи СOVID-19 дар деҳаи Бибихуррами Ҷамоати шаҳраки Бохтариён бо иштироки кормандони Кумитаи иҷроияи ҲХДТ дар ноҳияи Кӯшониён корҳои фаҳмондадиҳӣ, тақсими маводҳои таблиғотӣ ва Муроҷиатномаи ҲХДТ ба аҳолӣ ба роҳ монда шуд.
Масъулин оид ба масъалаи пешгирӣ аз касалии сироятии коронавирус таъкид намуданд, ки ягона амале, ки имрӯз аз мо талаб карда мешавад, ба тарсу таҳлука афтодан не, балки ба таври лозима омода гаштан барои пешгирӣ аз паҳншавии ин вирус мебошад. Бояд ҳар яки мо беш аз ҳар вақти дигар ба тозагӣ ва гигиенаи шахсии худу аҳли оилаамон таваҷҷуҳ карда, аз ҳузур дар ҷойҳои серодам канораҷӯӣ кунем ва дар ин бора танҳо ба хабарҳои расмии мақомоти дахлдор бовар кунем.
