Ҷ.БАЛХӢ. Мувофиқи ҷадвали баргузории вохӯрию мулоқот дар корхона, муассиса, ташкилот ва деҳаю маҳаллаҳои ноҳияи Ҷалолиддини Балхӣ пайваста вохӯрию мулоқотҳо баргузор гашта истодааст.
Бо ин мақсад дар ташкилоти ибтидоии ҳизбии «Колеҷи тиббӣ»-и ноҳияи Ҷалолиддини Балхӣ бо донишҷӯён вохӯрӣ баргузор гардид.
Дар вохӯри кормандони масъули Кумитаи иҷроияи ҲХДТ дар ноҳияи Ҷалолиддини Балхӣ иштирок дошта, атрофи сиёсати пешгирифтаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон, ҳадафҳои созандаи Ҳизби Халқии Демократии Тоҷикистон ва самтҳои афзалиятноки фаъолияти ҲХДТ, тарғиби тарзи ҳаёти солим ва пешгирӣ аз бемориҳои сироятӣ, дар байни мардум бурдани корҳои фаҳмондадиҳӣ оид ба ҳифзи сиҳатӣ, огоҳонидани шаҳрвандон аз хатарҳои ҷаҳони муосир, пешгирӣ аз шомилшавии ҷавонон ба ҳизбу ҳаракатҳои ифротӣ, рушди ҳунарҳои мардумӣ ва ҷалби ҷавонон ба омӯзиши касбу ҳунарҳои миллӣ суханрони намуданд.
