БОХТАР. Тибқи нақшаи баргузории вохӯриву мулоқотҳои Кумитаи иҷроияи ҲХДТ дар шаҳри Бохтар бо аъзо ва ҷонибдорони ҳизб дар ташкилоти ибтидоии ҳизбии «25-солаги Истиқлолият» бо иштироки намояндаи Кумитаи иҷроияи ҲХДТ дар шаҳри Бохтар Қаҳоров Искандар ва мудири шуъбаи кор бо ҷавонони Кумитаи иҷроия Асадуллозода Ватан вохӯрӣ доир гардида, дар он самтҳои афзалиятноки фаъолияти ҲХДТ, аз ҷумла тарбияи ҳарбӣ-ватандӯстии ҷавонон ва ҷалби онҳо ба хизмати ҳарбӣ муҳокима гардид.
Инчунин, дар вохӯрӣ масъулин суханронӣ намуда, қайд кардан, ки Пешвои миллат дар Паёми навбатиашон ба Маҷлиси Олии Ҷумҳурии Тоҷикистон иброз доштанд, ки Ҳукумати Ҷумҳурии Тоҷикистон аз рӯзҳои нахустини соҳибистиқлолӣ ба наврасону ҷавонон диққати махсус зоҳир карда, барои пешрафти илмӣ ва маънавии ҷавонон чораҳои мушаххас меандешад. Мо ҷавононро давомдиҳандаи кору фаъолияти насли калонсол, нерӯи созанда ва иқтидори воқеии пешрафти ҷомеа, хулоса ояндаи давлату миллат меҳисобанд.
Ташаббусу пешниҳодҳои созандаи мо ҷавононро ҳамеша дастгирӣ карда, барои амалӣ гардонидани онҳо тамоми имкониятҳоро фароҳам меоваранд. Мо ҷавонон бояд дар ҷавоб ба ин ѓамхориҳо бо донишу хиради азалӣ ва корҳои илмӣ-тадқиқотии худ Тоҷикистонро дар арсаи байналмилалӣ муаррифӣ намоем ва баландбардори парчами кишвари маҳбубамон бошем
