КӮЛОБ. Дар доираи Солҳои таҳкими худшиносии миллӣ (2020-2021) Имрӯзҳо вакилони Маҷлиси вакилони халқи вилоятӣ ва шаҳри Кӯлоб дар корҳои ободониву созандагӣ бахшида ба 30-солагии Истиқлолияти давлатии Ҷумҳурии Тоҷикистон саҳми худро гузошта истодаанд.
Дар доираи Барномаи пешазинтихоботӣ аз ҷониби узви гурӯҳи вакилии ҲХДТ дар Маҷлиси вакилони халқи шаҳри Кӯлоб Саидов Мирзоалӣ иқдоми созанда амалӣ карда шуд. Аз ҷониби узви гурӯҳи вакилии ҲХДТ дар Маҷлиси вакилони халқи шаҳри Кӯлоб бо мақсади таъмири роҳҳои дохили маҳаллаи Суғдиён 10 куб асфалт дастрас гардида, роҳҳои дохили маҳалла қисман асфалтпӯш карда шуданд. Дар ин иқдом ин марди саховатмандро мардуми маҳалла ва гурӯҳҳои тарғиботӣ аз ташкилоти ибтидоии “Амонатбонк” ҳамраҳӣ намуданд.
