НОРАК. Дар доираи Соли шинохти бештари манфиатҳои миллӣ. Бо мақсади пешгирӣ аз бемории сироятии CОVID-19, яъне коронавирус бо дастгирии вакили Маҷлиси вакилони халқи шаҳри Норак аз ҳавзаи интихоботии №33 Фирӯз Раҳмонов ба оилаҳои ниёзманди ҷомеаи кӯчаи Кибили Ҷамоати деҳоти Пули Сангин маводҳои антисептикӣ ва ниқобҳои тиббӣ кӯмак карда шуд.
Ҳамзамон таъкид карда шуд, ки барои пешгирӣ аз бемориҳои сироятӣ ҳар яки моро зарур аст ҳолатҳои беҳдоштиро хуб нигоҳ дошта, гигиенаи шахсиро риоя намоем худ ва наздиконамонро аз ҳама гуна бемориҳои сироятӣ эмин нигоҳ дорем. Вобаста ба пешгирӣ аз паҳншавии ин беморӣ бошад, ҳамарӯза аз ҷониби кормандони масъули Кумитаи иҷроияи ҲХДТ дар шаҳри Норак бо усули “хона ба хона” корҳои фаҳмондадиҳӣ гузаронида шуда, ба аҳолӣ варақаҳои иттилоотӣ дастрас карда мешавад.
