КӮШОНИЁН. Дар доираи Соли шинохти бештари манфиатҳои миллӣ. Масъулини Кумитаи иҷроияи ҲХДТ дар ноҳияи Кӯшониён бо аъзои ташкилоти ибтидоии “Бохтар-Инвест-коттон” вохӯрӣ доир карданд.
Дар ин чорабинӣ сухан атрофи тарғиби тарзи ҳаёти солим рафта, зимни баромад намояндагони ҳизби ноҳия дар бораи қоидаҳои пешгирӣ аз бемориҳои сироятӣ, бахусус коронавирус маслиҳатҳо дода, қайд карданд, ки ҳама бояд роҳҳои пешгирӣ аз паҳншавии бемориро донад. Нисбат ба саломатии худ ва атрофиён хеле ҷиддӣ муносибат кунем. Гигиенаи шахсиро риоя созем, бештар ба варзиш машғул шавему хӯрокҳои серғизоро истеъмол намоем. Аз рӯи тавсияҳои мутахассисони соҳаи тандурустӣ агар организм боқувват бошад, ягон гуна беморӣ ба мо сироят карда наметавонад.
